مه‌ناف حه‌سه‌ن، به‌رپرسێ هه‌لبژارتنێن پارتى ل مویسل راگه‌هاند: پارتى ل مویسل ئاماده‌كاریان دكه‌ت بو وێ چه‌ندێ پشكداریێ د هه‌لبژارتنێن به‌روه‌خت یێن عیراقێ دا بكه‌ت، چونكه سه‌ركردایه‌تیا پارتى بریار دایه پشكداریێ د هه‌لبژارتنێن به‌روه‌خت یێن عیراقێ دا بكه‌ت، ئه‌م ژى وه‌ك حزب و ئورگانێن پارتى ل سنورێ پارێزگه‌ها نه‌ینه‌وا به‌رده‌وام كار دكه‌ین بو وێ چه‌ندێ د ئاماده بین بو روژا هه‌لبژارتنان.
به‌رپرسێ هه‌لبژارتنێن پارتى ل مویسل گوت ژى: كومسیونا بلندا هه‌لبژارتنێن عیراقێ ل سنورێ مویسل كێشان بو ده‌نگده‌ران دروست دكه‌ت و پێدڤییه سه‌ركردایه‌تیا كورد بێته سه‌ر خه‌ت، چونكه هه‌ر ده‌نگده‌ره‌ك سه‌ره‌دانا بنگه‌هێن خوتوماركرنێ بكه‌ت گه‌له‌ك ئینان و برنێ پێ دكه‌ن و كارێن وان بزه‌حمه‌ت دئێخن و داخازا پشته‌ڤانیا كوچ و كوچبه‌ران لێ دهێته كرن، چونكه ده‌م ژى گه‌له‌ك یێ كێمه هه‌یڤه‌ك گه‌له‌ك یێ كێمه بو وه‌لاتیان.
مه‌ناف حه‌سه‌ن ئاشكرا ژى كر: گه‌له‌ك جاران ده‌نگده‌ر دچیته بنگه‌هێن خوتوماركرنێ، بتایبه‌تى ئه‌وێن ئاواره ل هه‌رێما كوردستانێ، دبێژنێ ئامیرین كێم بو مه ژ به‌غدا هاتینه، ئه‌ڤه هه‌مى كێشه نه بو ده‌نگده‌رى، رێژا پشكداریكرنا وه‌لاتیان وه‌ك پێدڤى نینه، ئه‌وێ چه‌ندێ ژى پشكه‌كێ په‌یوه‌ندی ب رێكارێن كومسیونێ ڤه هه‌یه.
