ئه‌ڤرو مه‌سرور بارزانى سه‌روكێ حكومه‌تا هه‌رێما كوردستانێ دگه‌ل نه‌قیب و ئه‌ندامێن جڤاتا سه‌ندیكا روژنامه‌نڤیسێن كوردستانێ كومبوو
د كومبونێ دا ئازاد حه‌مه‌ئه‌مین نه‌قیبێ سه‌ندیكا روژنامه‌نڤیسێن كوردستانێ و ئه‌ندامێن جڤاتێ كورتیه‌ك سه‌باره‌ت كار و چالاكیێن سه‌ندیكا روژنامه‌نڤیسان به‌رچاڤكر و دیاركر كو ل هه‌رێما كوردستانێ ئازادیا راگه‌هاندنێ هه‌یه به‌لێ كارێ میدیایى ل هه‌رێما كوردستانێ ژلایێ قانونى و پێشه‌یى ڤه پێدڤى ب رێكخستنێ هه‌یه بو وێ چه‌ندێ رێك ل به‌ره‌لایێ بهێته‌گرتن
سه‌روكێ حكومه‌تێ پشته‌ڤانیا حكومه‌تا هه‌رێما كوردستانێ بو روژنامه‌ڤان و میدیاكارێن هه‌رێما كوردستانێ و كارێ روژنامه‌ڤانى ل هه‌رێمێ دیاركر و ئاماژه ب رول و پێگه‌هێ روژنامه‌ڤانان كر بو هشیاركرنا جڤاكى و هاریكاریكرنا حكومه‌تێ ژ ده‌ستنیشانكرنا ئاریشه و كێماسی و سه‌رپێچیان ب مه‌ره‌ما نه‌هێلانا كێماسیان و باشتركرنا ئه‌زمونا حكومرانیا كوردستانێ و گوت ئازادیا راده‌ربرینێ بنه‌مایه‌كێ سه‌ره‌كى یێ جڤاكێن پێشكه‌فتى یه
سه‌روكێ حكومه‌تا هه‌رێما كوردستانێ دوپاتكر كو حكومه‌تا هه‌رێمێ ئازادیا راده‌ربرینێ بو راگه‌هاندكاران به‌رقه‌رار كریه بو وێ چه‌ندێ رولێ كارتێكه‌ر هه‌بیت د جڤاكى دا هه‌روه‌سا دووپاتكر كو نابیت راگه‌هاندكارێن كوردستانێ رێكێ بده‌ن كو پێشه‌یا پیروزا روژنامه‌گه‌ریێ بو مه‌ره‌مێن ناڤ زراندن و تومه‌ت به‌خشینێ و تێكدانا ئاشتیا جڤاكى بكاربینن
سه‌روكێ حكومه‌تێ شاندێ سه‌ندیكا روژنامه‌ڤانان پشت راستكر كو ب هه‌مى ره‌نگان حكومه‌ت دێ پشته‌ڤانیێ ل ئازادیا كارێ روژنامه‌ڤانیێ ل كوردستانێ كه‌ت بو وێ چه‌ندێ راگه‌هاندكار بشێن ب ره‌نگه‌كێ پروفیشینال و دویر ل ئه‌جیندایێن نه پێشه‌یى كارێ خو ئه‌نجام بده‌ن ژبو به‌رژه‌وه‌ندیا گشتى و پاراستنا ده‌ستكه‌فتێن كوردستانێ
