دراگه‌هاندنه‌كێ دا فازل میرانى سكرتێرێ مه‌كته‌با سیاسیا پارتى دیموكراتى كوردستان سه‌باره‌ت ئالوزیێن دناڤبه‌را هه‌ولێر وبه‌غدا وئه‌نجامێن دانوستاندنێن دناڤبه‌را هه‌ردوولا دا گوت مه بتنێ كێشا موچه‌ى وبودجێ دگه‌ل به‌غدا نینه به‌لكو مه كێشا كوردستانیبونێ دگه‌ل به‌غدا هه‌یه و ئه‌و كێشه كویرتره ژ بودجێ، فازل میرانى گوت مه كێشه دگه‌ل عه‌قلیه‌تا زورینه هه‌یه. سه‌باره‌ت خه‌له‌تیا هنده‌ك لایه‌نان بو دابرینا پارێزگه‌هێن هه‌رێمێ ژئێكودوو فازل میرانى گوت بدیتنا من ئه‌و حه‌زه چاره‌سه‌ره بو هنده‌ك كه‌سان كو دویرن ژ پرسا ئینتیمایا نه‌ته‌وه‌یى و نشتیمانى و گوت : به‌لێ ئه‌گه‌ر مروڤ كورد نه‌بیت و ئینتیما بو كورد و كوردستانێ نه‌بیت ل وێ ده‌مى كارى بو حه‌زێن خو كه‌ت .
سه‌باره‌ت لڤینێن حه‌شدا شه‌عبى و دانانا سه‌نگه‌رێن نوى به‌رامبه‌ر هێزێن پێشمه‌رگه‌ى فازل میرانى گوت ئه‌م ناچینه سه‌ر مال و سه‌نگه‌رێن كه‌سێ به‌لێ ئه‌گه‌ر گه‌ف لسه‌ر مه هه‌بوو دێ به‌ره‌ڤانیێ ژ سه‌نگه‌ر و مالێ خو كه‌ین ب هه‌مى هێز و شیانێن خو .
