عیراق: نێزیكى 40%ێ ژ وه‌لاتییان لژێر هێلا هه‌ژاریێ نه‌

ئەندامەکێ لیژنا کاروبارێن جڤاکی ل جڤاتا نوینەرێن عیراقێ راگەھاند، نێزیکی ٤٠% ژ ئاکنجێن عیراقێ ل ژێر ھێلا ھەژاریێ نە.
فازل فەتلاوی، ئەندامێ لیژنا کار و کاروبارێن جڤاکی ل جڤاتا نوینەرێن عیراقێ ئەڤرۆ راگەھاند،‌ ٤٠% ژ ئاکنجێن عیراقێ ل ژێر ھێلا ھەژاریێ نە و رەوشا دارایی ژی ل عیراقێ کارتێکرن ل وان کریە.
‌ئاشکرا ژی کر، لیژنێن وان دێ کار کەن کو د بودجا ٢٠٢١ێ دا پلان و بەرنامە بۆ بھێنە دارێژتن و دێ سنۆرەکی بۆ ئاستێ ھەژاریێ دانن.
دوپات ژی کریە، کو د بودجا سالا ٢٠٢١ێ دا پێشینە بۆ خەلکێ ھەژار دێ ھەبن، داکو بۆ وان ببیتە ژێدەرەک و ژیارا خۆ پێ ب رێڤەببەن.