بەرپرسێ فەرمانگەها پەیوەندیێن دەرڤە یێ حكومەتا هەرێما كوردستانێ راگەهاند، هەر چەندە ژبەر نەخوشیا كورونایێ سەرەدانا شاندێن وەلاتێن بیانی بو هەرێما كوردستانێ كێم بوویە، بەلێ بریارە چەندین شاندێن بلندێن وەلاتان سەرەدانا هەرێما كوردستانێ بكەن.
سەفین دزەیی، بەرپرسێ فەرمانگەها پەیوەندیێن دەرڤە یا هەرێما كوردستانێ، بو دەزگەهێن راگەهاندنێ دیاركر ژبەر كورونایێ چالاكیێن فەرمانگەهێ كێمبووینە، بەلێ ب رێكێن دی یێن پەیوەندیێ پەیوەندی دگەل قونسل و نوینەرێ وەلاتان دبەردەوامن.
هەروەسا راگەهاند ژی پار ژمارەكا بەرپرسێن مەزن هاتنە هەرێما كوردستانێ و بریارە ژمارەكا دی یا وەزیرو بەرپرسێن بلند سەرەدانا هەرێما كوردستانێ بكەن.
بەرپرسێ فەرمانگەها پەیوەندیێن دەرڤە یێ حكومەتا هەرێما كوردستانێ گوت ژی، پەیوەندیێن هەرێمێ دگەل وەلاتێن جیران زور دباشن و دبەردەوامن ژی.
دپشكەكا دی یا ئاخفتنێن خودا بو دەزگەهێن راگەهاندنێ سەفین دزەیی گوت دوپات دكەین كو كێشا مە دگەل بەغدا كێشەیا مووچەی بتنێ نینە، بەلكو كێشا مە نە بجهئینانا دستوری و ماف و شایستێن دارایی یێن هەرێمێ و ئاخە، ب مخابنیڤە نڤشەكێ خرابێ سیاسی دروستبوویە دژی هەرێما كوردستانێ و دستوری ژی نە
