ئه‌ڤرۆ ل سه‌لاحه‌دین سه‌رۆك مه‌سعود بارزانى پێشوازى ل دكتور عه‌لى قه‌ره‌داغى ئه‌میندارێ گشتیێ ئێكه‌تیا جیهانیا زانایێن ئاینێ ئیسلامێ و شانده‌كێ هه‌ڤپشك یێ زانكۆیا گه‌شه‌پێدانا مرۆڤى و رێكخراوا رابیته‌یا مرۆڤى ل كوردستانێ كر.
د دیدارێ دا ره‌وشا سیاسیا عیراقێ و هه‌رێما كوردستانێ و دوماهیك پێشهاتێن سیاسى هاتنه گه‌نگه‌شه‌كرن.
هه‌روه‌سا بیروبۆچوون لدور كارێن خێرخوازى و گرنگیا رێكخراوێن مرۆڤى و خێرخوازى د هاریكاریكرنا جڤاكێ كوردستانێ دا هاتنه لێكگوهارتن و دووپاتى ل پێدڤیا گرنگیدان ب بهایێن بلندێن جڤاكى و په‌روه‌ردا ساخله‌م و نشتیمانى هاته كرن.
د وێ دیدارێ دا فازل میرانى سكرتێرێ مه‌كته‌با سیاسى و هۆشیار زێبارى و مه‌حموود محه‌مه‌د ئه‌ندامێن مه‌كته‌با سیاسى یا پارتى دیموكراتى كوردستان د ئاماده‌بوون.
