ب هه‌لكه‌فتا بدوماهیك هاتنا كارێن كونگرێ چارێ و هه‌لبژارتنا وى ب سه‌روكێ كومه‌لا دادگه‌ریا كوردستانێ، نێچیرڤان بارزانى سه‌روكێ هه‌رێما كوردستانێ په‌یامه‌ك پێشكێشى عه‌لى باپیر كر.
ب هه‌لكه‌فتا بدوماهیك هاتنا كارێن كونگرێ چارێ و هه‌لبژارتنا وى ب سه‌روكێ كومه‌لا دادگه‌ریا كوردستانێ، ب گه‌رمى پیروزباهیێ ل ماموستا عه‌لى باپیر و سه‌ركردایه‌تیا نوى و كادر و ئه‌ندام و جه‌ماوه‌رێ كومه‌لێ دكه‌م و هیڤیا سه‌ركه‌فتنێ دكار و ئه‌ركێن واندا بو دخوازم.
هه‌ر بڤێ هه‌لكه‌فتێ دووپاتیێ ل گرنگی و پێدڤیا ئێكگرتنێ و ئێكرێزیا لایه‌نێن سیاسى و پێكهاتێن هه‌رێما كوردستانێ دكه‌ین، ماموستا عه‌لى باپیر و كومه‌لا دادگه‌ریا كوردستانێ ژى وه‌ك هێزه‌كا سیاسى یا دیار، دشێن رولێ به‌رچاڤ دڤى بیاڤى دا هه‌بیت وهه‌مى پێكڤه بو روى ب روى بوونا ته‌حه‌دیاتێن ڤێ قوناغا هه‌ستیار و پاراستنا ماف و ده‌ستكه‌فتێن دستورى یێن گه‌لێ كوردستانێ و ده‌ربازكرنا كێشه و قه‌یرانان ، ئێكگرتى و هاریكار و هه‌ماهه‌نگ بین.
نێچیرڤان بارزانى
20/2/2021
