سوزان جەمیل، سەرۆکا رێکخراوا بەلسەم دناڤ باژێرێ مویسل بۆ دهوک تیڤی گوت:
رەوشا ئافرەتان ل پارێزگەھا مویسل بەرەڤ رەوشەکا خراپ دچیت و رێژەکا مەزن یا ئافرەتان ئەو ئافرەتێن ھەڤژینێن وان د شەرێ داعش دا ھاتینە کوشتن و رێژەکا مەزن ژی ژبەر خرابیا رەوشا وان یا ئابوری ل مویسل ژن و مێر ژ ئێک جودا بووینە لدویڤ ئامارەکا رێکخراوا مە ٧٠ژ سه‌دێ سەرجەمێ ئافرەتێن مویسل ھەمى دبێ ھەڤژین ماینە پێدڤی یە حکومەتا عێراقێ دگەل رێکخراوێن نافخۆ و یێن بیانی ھاریکارییا وان بكه‌ن ژبەرکو ھەر ئێک ژوان ئافرەتا ژمارەکا زارۆکان هه‌یه و د رەوشەکا خراپ یا ئابوری دا دژین.
ناڤھاتی دیارکر رێکخراوا مە وەکۆ پێدڤی نەشێت ھاریکارییا وان بکەت، ژبەرکۆ پرۆژێن مەزن بۆ وان دڤێن بۆ پەیداکرنا دەلیڤێن کاری و ڤەکرنا کارگەھێن مەزن کۆ ل وان کارگەھا کار بکەن، پێدڤی ب ھاریکاریێن حکومەتێ و یێن دەولەتینە ژبەرکۆ گەلەک ژوان پێدڤییا ب چارەسەریێن نوژداری هه‌یى. ناڤھاتی گۆت: گەلەک ژ وان ئافرەتا ژلایێ ھندەک کەسێن نەنیاس ڤە دەست درێژی یێن سکسی دگەل وان دھێنە کرن بەلێ ئەو ئافرەت ھەوارا خو دگەھیننە مە ئەم ژی ب رێکا رێکخراوێ مە پەیوەندی ب فەرمانگەھێن حکومەتێ كرییه کۆ ئێک ژ وان بنگەھا دناڤ سەنتەری دا ھاتییە ڤەکرن کۆ ئافرەت دشێن سەردانا وی جھی بکەن سکالایێ ل سەر وان کەسان توماربکەن
