رێڤەبەرییا گەشتوگوزارا ئامێدیێ راگەهاند ، د حەفتیا بووریدا نێزیکێ 29هزار گەشتیاران سەرەدانا جهــ و هاڤینگەهێن گەشتیاریێن دەڤەرا ئامێدیێ کرییە .
حکمەت عابد بەرپرسێ راگەهاندنا گەشت و گوزارا ئامێدیێ راگەهاند ژ ڕێككه‌فتى 7 هه‌تا 12ێ ڤێ هه‌یڤێ هاتنا گەشتیاران بو دەڤەرا ئامێدیێ ب ڤی رەنگی بوویه: گەشتیارێن ژ دەرڤەی هەرێمێ هاتین نێزیکی 19 هزار و 800گەشتیاران بووینە ،هەروەسا گەشتیارێن ژ نافخویا هەرێمێ هاتینە دەڤەرێ نێزیکی 9 هزار و 200گەشتیاران بووینە.
هەروەسا ئاماژە ب وێ چەندێ کرییە ، ئالوزی و شەرێ توركیا و په‌كه‌كێ ل ده‌ڤه‌رێن سنورى یێن قەزا ئامێدیێ کاریگەیەکا مەزن و خراب ل سەر رێژەیا هاتنا گەشتیاران بو ئەڤێ دەڤەرێ هەبوویە، چونکی ل سنورێ دەڤەرا ئامێدیێ ژبەر سروشت و جوگرافیا خو گه‌له‌ك جهێن گەشتیارى یێن سەرنج راکێش لێ هه‌نه و سەرنجا گەشتیارێن نافخو و بیانی بۆ خۆ ڕاکێشایە.
