دكتور ئه‌حمه‌د ئه‌نوه‌ر سه‌روكێ ده‌سته‌یا ده‌ستپاكیا هه‌رێما كوردستانێ راگه‌هاند: ژبلى ئه‌نجامدانا پروسا چاكسازیێ ل هه‌رێما كوردستانێ ئه‌م پێدڤى ب وێ چه‌ندێینه روى ب روى گه‌نده‌لیێ ژى ببین و ب وى ئاراسته‌ى كار بكه‌ین، ژبه‌ر وێ چه‌ندێ ئه‌م هه‌مى ده‌ما د راپورتێن خودا دووپاتیێ لسه‌ر وێ چه‌ندێ دكه‌ین پێدڤییه روى ب روى گه‌نده‌لیێ ببین، بو وێ مه‌ره‌مێ ژى پێدڤییه هاریكاریا ده‌سته‌یا نه‌زاهێ یا هه‌رێما كوردستانێ بهێته كرن و گه‌له‌كا پێدڤییه ژى.
گوت ژى، مه ستراتیجیه‌ك ئاماده‌كریه بو 5 سالان بو وێ چه‌ندێ ل هه‌رێما كوردستانێ روى ب روى گه‌نده‌لیێ ببین، بو وێ مه‌ره‌مێ ژى مه دایه جڤاتا وه‌زیران ، چاڤه‌رێ دهێته كرن دڤێ هه‌یڤێ دا ئه‌و ستراتیجیا مه بهێته په‌سه‌ندكرن.
هه‌روه‌سا راگه‌هاند ژى، حكومه‌ت گه‌له‌كا جددیه بو نه‌هێلانا گه‌نده‌لیێ وه‌كى چه‌وا ده‌ست ب چاكسازیێ كریه.
