ئەڤرۆ دكتور عەلی تەتەر پارێزگارێ دهۆکێ ب بەرهەڤبوونا رێڤەبەرێ گشتی یێ پەروەردا پارێزگەها دهۆکێ پێشوازیی ل وەبەرهێنەر بژار عەزیز حەسەن کر کو بریارە ل سەر ئەرکێ خو قۆتابخانەکا ٣٦ پۆلی ئاڤا بکەت.
دپەیڤەکێدا پارێزگارێ دهۆکێ راگەهاند: سۆپاس کو هەوە هزرا درۆستکرنا قۆتابخانەکا ٣٦ پۆلی کریی، درۆستکرنا قۆتابخانا و نەخۆشخانا و رێک و پرا خزمەتەکا مەزنە بو گەل و وەلاتێ خو و دهەمان دهم دا خێرەکا مەزنە ژی لەوما هیڤیدارین نموونێن وەکی هەوە زوربن. وەبەرهێنەرێ ناڤبری سۆپاسیا پێشوازیا گەرما پارێزگارێ دهۆکێ کر و دا دیارکرن ئەوا مەپێ چێ بیت بو خزمەتکرنا وەلاتێ خو بێ دوودلی دێ ئەنجام دەین.