ئەڤرۆ ب ئامەدەبونا هەرئێك ژ ماجد سەید سالح جێگرێ پارێزگارێ دهۆکێ بو کارۆبارێن تەکنیکی ب وەکالەت و عومەر عەلی طه‌ها رێڤەرێ گشتی یێ پەروەردا دهۆك و دكتور شێرزاد حەمید رێڤەرێ گشتی یێ چاڤدێری و گەشەپێدانا جڤاکی، د بەردەوامیا کار و چالاکیێن دەزگایێ ئێس كه‌ى ئێڵ یێ سویدی، ل رێڤەبەریا مەشق و راهێنانێن مامۆستایان خولا بهێزکرنا شیانێن حکۆمەتا خوجهی ل پارێزگەها دهوکێ بو 20 راهێنەران دەستپێکر و بو ده‌مێ 4 هه‌یڤان دگەل 3 قوتابخانەیان ب پشكدارییا 230 مامۆستایان دێ یا بەردەوام بیت.
جێگرێ پارێزگارێ دهوکێ د پەیڤەکێدا دەستخوشی ل دەستەیا دەزگایێ ئێس كه‌ى ئێڵ یێ سویدی و هەردوو رێڤەریێن ناڤهاتی کر بو ئەنجامدانا کارو بزاڤێن وان و هەماهەنگیا وان د پروژێن جودا دا.
هه‌روه‌سا گوت: وەکو کارگێریا پارێزگەها دهوکێ ئەم پشتەڤانین بو هەر داخوازییه‌كا ژ مە بهێتە كرن و جهێ دەستخوشیێ یە ژ دەرئەنجامێ کارێ دوو سالان یێ دەزگایێ ناڤهاتی ب تایبەت د هەردوو کەرتێن پەروەردێ و چاڤدێرییا جڤاکیدا ئەڤروکە شیاینە بەردەوامیێ بدەنە کارێ خو و ڤێ خولا ب رێک و پێك ئەنجامبدەن.
