ده‌زگه‌هێ مێسه‌ر یێ جیهانی، ڤه‌كۆلینا خویا سالانه لدور هه‌لسه‌نگاندنا ئابووری و جڤاكی، بۆ باشترین و خرابترین باژێرێن جیهانێ بۆ ژیانێ دیار كرینه و تێدا ڤیه‌نا پایته‌ختێ نه‌مسا ب باشترین باژێر و به‌غدا یا پایته‌ختێ عیراقێ وه‌كو خرابترین باژێر هاتیه ده‌ستنیشان كرن.
لدویڤ وێ رێزبه‌ندیێ كو 230 باژێر بخو‌ڤه گرتینه، ڤیه‌نا ل خانا ئێكێ و زیورخا سویسرا ل خانا دویێ و ئۆكلاند یا نیوزله‌ندا ل خانا سیێ دهێن، ل ئاستێ وه‌لاتێن عه‌ره‌بی ژی دوبه‌ی باشترین باژێره و ل خانا 75 یا جیهانی دهێت.
هه‌ر ئێك ژ باژێرێن ریاز و جده یا سعوودی ل خانێن 164 و 165 دا دهێن، دیمه‌شقا پایته‌ختێ سووریێ ل خانا 224 یه، خه‌رتووما پایته‌ختێ سوودانێ ژی ل خانا 226 دهێت، به‌غدا یا پایته‌ختێ عیراقێ ل خانا دووماهییێ و 230 دایه و خرابترین باژێرێ جیهانێیه بۆ ژیانێ.
