زكیه سه‌ید سالح بریكارا وه‌زاره‌تا كار و كاروبارێن جڤاكى یا حكومه‌تا هه‌رێما كوردستانێ راگه‌هاند د چارچووڤێ قانونا چاكسازیێ دا سه‌نته‌ره‌كێ تایبه‌ت ب پشكنینا كێم ئه‌ندامان دێ هێته ڤه‌كرن كو بو ئێكه‌م جاره ئه‌و سه‌نته‌ر بهێته ڤه‌كرن و جڤاتا وه‌زیران لسه‌ر ڤى بابه‌تى رازیبویه و دێ ده‌ست ب دامه‌زراندنێ هێته كرن و د نوكه‌دا موژیلى ئاماده‌كاریانه بو ڤى سه‌نته‌رى .
هه‌روه‌سا گوت : نوكه پێداچوون د لیستا ناڤێ كێم ئه‌ندامان دا دهێته كرن و كار یێ به‌رده‌وامه و پشتى پیداچوون و ڤاڤارتنێ لدویماهیێ دێ بو مه دیاربیت ئایا چه‌ند كه‌س ژ هه‌ژى مووچێ كێم ئه‌ندامیێ نه و چه‌ند كه‌س دێ وى موچه‌یى وه‌رگرن .
بریكارا وه‌زاره‌تا كار و كاروبارێن جڤاكى دیاركر ل هه‌رێما كوردستانێ هه‌یڤانه 88 هزار كێم ئه‌ندام موچه‌یى ژ حكومه‌تێ وه‌ردگرن به‌لێ ره‌نگه گهورین دڤێ ژمارێ دا بهێته كرن پشتى پێداچوون د لیستا كێم ئه‌ندامان دا دهێته‌كرن
